Сыңғырла, күміс қоңырау!
Бүгін еліміздің барлық білім ошақтарында алғашқы қоңырау соғылды. Қостанайдағы №11 орта мектеп ұжымы да білім күнін бар сән-салтанатымен қарсы алды. Ашылғалы бері бірнеше буын түлектерді алтын ұядан ұшырып үлгерген білім ордасы осыған дейін республикалық, облыстық пәнаралық байқаулардың екінші, үшінші орындарын иеленді.
Биыл бұл мектептің табалдырығын 745 оқушы аттады. Мектеп директоры Гүлмира Ильясованың айтуынша, білім ордасында қазақ сыныптары көптеп ашылып жатқан көрінеді. Биыл мектеп алғаш рет мемлекеттік тілде оқытатын оныншы сыныппен толығып отыр. Ал жаңа оқу жылында білім ошағының табалдырығын жиырма бала аттады.
Айбек КӘДІРҰЛЫ
