Күдікті сөмке тәртіп сақшыларын састырды
Қостанайда облыстық әкімдік алдына иесіз қалдырылған сөмкеге бола орталық алаң бұғаттауға алынды. Бұл ақпаратты Tengrinews.kz. сайты жариялады. Түскі сағат 12.00 мен 13.00 аралығында қалалықтарға алаңмен өтуге рұқсат етілмеді.
Облыстық ТЖД-нің баспасөз қызметінде айтылған мәлімет бойынша, құқыққорғау органдары әкімдік алдына қалдырылған күдікті сөмкеде жарылғыш зат болуы мүмкін деп ойлаған. Алайда, абырой болғанда, тексеріс барысында күдік расталмады. Сөмкеде нақты қандай заттың болғаны да айтылып отырған жоқ.
