Жітіқарада 14 жасар бала суға кетті
Қайғылы оқиға 29 шілде күні болған. Куәгерлердің сөзінше жасөспірім достарымен суға шомылып жүріп, алысқа жүзіген. Кейін қайтуға шамасы келмей қалса керек. Құрбылары оны құтқарып қалуға тырысқанымен ештене шықпаған.
Достарын судан алып шыға алмаған жеткіншектердің жылап жүргенін көрген бір әйел дереу полиция шақытқан. Әттеген-айы, сол жерде жүрген ересек азаматтардың бірі де баланы құтқаруға еш әрекет жасамаған.
Жітіқарадағы жағажай әкімдік қарамағына алынбаған, иесіз. Сондықтан мұнда күзет те жоқ, құтқарушылар суға шомылушыларға бақылау жасамайды.
