ҚХА жылын насихаттады
"Бейбітшілік пен келісім жол картасы" облыстық эстафетасы көршілес Жанкелдин, Аманкелді аудандарынан кейін Арқалық қаласында жалғасты. Қонақтарды зор құрметпен қарсы алған қала әкімі Ғ. Бекмұхамедов құттықтау сөз сөйлеп, алдағы қадамдарына сәттілік тіледі. 
А. Байтұрсынов атындағы ҚМУ профессоры Қ. Жақып Елбасының 100 нақты қадам ұлттық жоспарының мақсат, міндеттерін түсіндірді. ҚХА мүшесі, ардагер ұстаз А. Суслова елдегі бірлікті бағалап, отансүйгіштікке үндеген жүрекжарды жырларын оқып берді.
Облыстық ұлттық – мәдени бірлестіктердің өкілдері, кәсіби және әуесқой өнерпаздардың күшімен концерт берілді.
Мұрат Жүнісұлы,
Арқалық қаласы.
