Ойын алаңы балалар игілігі үшін

Мемлекеттің “Өңірлерді дамыту” бағдарламасы негізінде республикалық бюджеттен бөлінген қаражат есебінен аудан орталығында “Балалар ойын алаңы” тұрғызылды. Бұл нысан “Астана күні” мерекесінде пайдалануға берілді.

Көңілдің гүлі, көздің нұры саналатын балаларға қуаныш сыйлап, олардың білім алып, дене және рухани дамуы үшін барынша жағдай жасалуда. Осындай мақсаттар үшін салынған ойын алаңы 12 жасқа дейінгі балалардың тұтынуына берілген. Мердігері – “Таңшолпан” жауапкершілігі шектеулі серіктестігі.

Балаларға арналып әткеншектер, сырғанақ, өрмелеуіш, төбесі жабылған ойын құрылғылары орнатылған. Ойын алаңы түрлі – түсті сырлармен әсемделіп, безендіріліп, балалар ойнайтын алаңға арнайы құм төгілген.

-Бүлдіршіндеріміз үлкен қуанышқа кенеліп отыр. Неше түрлі әткеншектерде тербеліп, жұмсақ құм үстінде ойын ойнап, таза ауамен демалу кезінде отыратын орындықтармен жабдықталаған ойын алаңының тұрғызылғанына қуандық. Осы алаңды балалар үшін ұйымдастырып оны сыйға тартқан аудан басшылығына, игілікті іске атсалысқан азаматтарға ризашылығымызды білдіреміз, – дейді аудан тұрғыны, көп балалы ана Жансая Камешова.