Сәйгүліктер сайысы
Қарабалық. Ауданға қарасты Қособа ауылында Әбу Темірбаевты еске алуға арналған ат жарысы өтті. Аталмыш турнир биыл екінші рет ұйымдастырылып отыр. Бәйгеге республикамыздың әр аймағынан шабандоздар келді. Елордасы Астанадан және көршілес Ресейдің шекаралас облыстарынан арнайы келген атбегілер сәйгүліктерін бәйгеге қосты. Дүбірлі додаға аудан әкімі А.Исмағұлов қатысып, жеңімпаздарды марапаттады.
