Денисов ауданындағы кездесу
«Үміт» қоғамдық бірлестігінің төрағасы Дүйсенғали Оспанов облыстағы мүмкіндігі шектеулі жандардың тыныс-тіршілігімен танысуды қол алған болатын. Жақында бірлестік төрағасы Денисов ауданына ат басын тіреген еді.
Кездесуге ауданның тағдыр тауқыметіне ұшыраған жандары, тіпті балалар ата-аналар, күтушілермен бірге келді.
Дүйсенғали Оспанов Елбасы Нұрсұлтан Назарбаевтың Жолдауына тоқталып өтті. Әсіресе, мүгедек адамдардың қоғамға бейімделуі және еңбекпен қамтылуын тілге тиек етті.
Бірлестік төрағасының орынбасары Аруна Жақсығұлова жүріп-тұруі шектеулі адамдарға арналған көлік құралдарының қол жетімді екендігін әңгімелейтін бейне фильмді көрсетті. Сонымен қатар, мемлекет тарапынан ғаріп жандардың өмірге бейімделуіне жасалып жатқан нақты іс-шараларға тоқталып өтті.
Кездесуге келгендер көкейде жүрген сауалдарын қойды. Ал оларға жауап ақпараттық және психологиялық кеңес ретін берілді.
Махаббат Бекбай
