Кәсіптерін дөңгелетпекші
Екінші деңгейлі банктер несиесінің пайыздық мөлшерлемесін субсидиялау – мемлекет тарапынан кәсіпкерлерге көрсетіліп жатқан оңтайлы көмек. Мұндай демеуге лисаковтық азаматтар да қол созып отыр. З жергілікті кәсіпкер ендігі өтініштерін өткізіп те қойыпты. Мақұлданып жатса, олар жалпы сомасы 16 млн теңге көлемінде несие алмақ. 7 жаңа жұмыс орны құрылады деп көзделуде. Аталған қаржылар фаст-фуд өндірісін өрге жүздіруге, шаштараз нысанын меншіктеуге және жазғы кафені қажетті дүниемен жабдықтауға жұмсалады. 
Кезекті бір 3 лисаковтық іскер азамат «Бизнестің жол картасы» бағдарламасы бойынша грант ұтып алмақ ниетте. Ойлағандары іске асса, қалада би студиясы, шыны шеберханасы ашылып, қымыз өндірісі қолға алынбақ.
Жандос Жүсіпбек
