Арқалықта “Спорт бар” ашылды
"Балажан" ЖШС қарасты "Ажар – maLL" сауда орталығынан жаңа ойын кешені ашылды. Оның ашылуында қала әкімінің орынбасары Е. Теменов құттықтау сөз сөйлеп, қаланың құрметті азаматы Ш. Байділдинмен бірге кермесін қиды.
Олжас Әділханов, меңгеруші:
– Спорттық іс – шаралардың әлемде миллиондаған адамдардың қызығушылығын арттырып отырғандығы белгілі. Бұл үрдіс біздің елімізде де танымалдыққа ие болуда. Болашақта тұтынушыларымызды көптеп жинаймыз деген үміттеміз.
Әсел Оңжан, әкімші:
– Бұл нысан жастар үшін ашылып отыр. Мұнда алуан ойындардың жаңа үлгілері бар. Оның сыртында онлайн көрсетілім арқылы түрлі спорттық шараларды тамашалауға болады.
Мұрат Жүнісұлы,
Арқалық
қаласы.