Жоғалған қыздың мәйіті табылды

Осыдан бір ай бұрын жоғалып кеткен Нұргүл Ағыбаеваның өлі денесі Тобыл өзенінен табылды. Естеріңізге сала кетсек, 17-жасар қызды іздеу мақсатында жедел-тергеу тобы құрылған еді. Тәртіп сақшылары мен төтенше жағдайлар департаментінің қызметкерлері алыс-жақын аймақты тұтастай тінтіп шықты. Нәтижесінде бойжеткеннің өлігі Тобыл өзенінен табылды.

Мәйітте зорлықтың еш белгісі жоқ. Сот-медициналық сараптамасында бойжеткеннің  өкпесіне су толып, тұншығып өлгені келтірілген. Осы іске қатысты тергеу амалдары жүргізілуде.