«Бақытым – тілім менің…»
by
Qostanaı tańy
·
21.04.2015
Ұзынкөл. Тілдерді оқыту орталығының қазақ тілі мен әдебиеті пәнінің маманы Роза Қожанованың ұйымдастыруымен аудандық кітапханада есімдері жыр сүйетін қауымға танымал Мұқағали Мақатаев, Мұқтар Шаханов, Тұманбай Молдағалиев сынды белгілі ақындарымыздың шығармашылығына арналған әдеби кеш болып өтті. Кешке әдебиет пен мәдениетке жақын оқырмандармен қатар қазақ тілін үйренемін деген өзге ұлт балалары атап айтқанда, №2 Ұзынкөл орта мектебінің оқушылары қатысты. Кеш аясында әдебиет сүйер қауым ақындарымыздың шығармашылығымен танысты. Ал, кешке қатысушылар болса ақиық ақындарымыздың өздері білетін өлеңдерін мәнерлеп, нақышына келтіре оқыды.
