Газдандыру мәселесі шешілді

Рудный қаласының 18 шағын ауданын газдандыру жұмыстары толығымен аяқталды. 2020 жылдың соңғы күндері көгілдір отынға бес абонент – аталмыш ауданның бес үйі қосылған. Бұл туралы қалалық әкімдік хабарлады.

2021 жылы қаңтар айының басында таңы 10 үй газ қостырды. Бұл ауданда барлығы 65 абонент бар. Мөлтек ауданды газдандыру жұмыстары 2019 жылы басталған. Жоба құны 31 млн теңгені құрады.
"Жұмыстарды 2020 жылдың соңына қарай тәмамдау жоспарланған. Бәрі ойымыздағыдай аяқталды. 2021 жылы Рудный қаласының тағы 6 шағын ауданын газдандыру жұмысын бастау көзделіп отыр. Атап айтқанда, 22,23,26,27,28 және 29 шағын аудандар көгілдір отын игілігін көрмек", – деп жазылды қалалық әкімдік хабарламасында.