Ұлтжандылыққа тәрбиелеу

«Қазақстан – халқы,  достық отбасы» атты тақырыпта Н.Островский атындағы қалалық кітапханада кеш өтті. Оған ұлттық-мәдени бірлестіктер өкілдері мен Қостанай қаласы орталықтандырылған кітапхана жүйесінің мүшелері және Қостанай гуманитарлық колледжінің студенттері қатысты.

Аталмыш бас қосуда жастарға ТМД елдеріндегі бірегей институт – Қазақстан халқы Ассамблеясы туралы жан-жақты түсінік берілді. Мемлекетімізде тұрып жатқан әр ұлттың салт-дәстүрі мен мәдени құндылықтары жайлы бейне материалдар жиналғандар назарына ұсынылды. Жарасымды өткен кеш өскелең ұлпақты ұлтжандылыққа, отансүйгіштікке тәрбиелеу мақсатына жетті деп айтуға болады.

 

Махаббат Бекбай