“Бірлігіміз жарасқан”
Қарабалық. Аудандық мәдениет үйінде “Бірлігіміз жарасқан” атты концерт ұйымдастырылды. Өнер кешіне барлық шығармашылық топтар мен ұстаздар қатысты. Бұл шарадан жастар да сырт қалмады. Кешке келген ардагерлер, зейнеткерлер жақсы демалып, жастық шақтарын еске алды. Сахна төріне шыққан әншілер ұлттар арасындағы достық, бейбітшілік жайында әндер шырқады. Алда келе жатқан Жеңіс күнін де еске алып, шаттана билеп, түрлі аспаптарда әуендер орындалды.
