«Жас тұлпар – 2015»

Таран ауданы. Тобыл орта мектебінің төрінде «Жас тұлпар – 2015» аудандық оқушылар айтысы өтті. Аудан көлеміндегі мектептерден келген ақындар көп болмаса да өнерлерін салып бақты. «Сегіз қырлы, бір сырлы» қарсыластар ақындығымен қоса тапқырлықтарын байқата білді. Ал, соңғы айналымда бақ сынаған Рашат пен Алмат бір-біріне ұтымды да, орынды жауап қайтарып, астарлы сөздері арқылы жан-жақты білімділіктерін байқатты. Нәтижесінде өнер сайысында бірінші орын көптің көңілінен шыққан Әсет Еркебұланның еншісіне бұйырды. Екінші орынды Серікболсын Рашат және Алмат Серкеш қанжығалады.