Мәліметтерді өңдеу орталығы ашылды

Бүгін Қостанайда мәліметтерді өңдеу орталығы ашылды. Салтанатты іс-шараға облыс әкімі аппаратының бастығы Арман  Әбенов, «Зерде» Холдингі»  АҚ басқармасы Төрағасының орынбасары Зарема Құрғанбекова мен «ҰАТ» АҚ Төрағасының орынбасары Серікжан Байбәкіров қатысты.

Қостанай облысы әкімдігі мен «Ұлттық ақпараттық технологиялар» АҚ арасында ынтымақтастық туралы меморандумға қол қойылды.

Мемлекеттік секторды ақпараттандыру бір жолы – еліміздің әр өңірінде мәліметтерді өңдеу орталықтарын (МӨО) ашу болып табылады. Серверлік инфрақұрылым – ақпараттық коммуникациялардың негізі.

«Ақпараттық Қазақстан – 2020» мемлекеттік бағдарламасы шеңберінде «мемекеттік органдарға хостинг қызметін көрсету үшін ғаламтор тұғырнамасы серверін құру» жобасын  «Ұлттық ақпараттық технологиялар» АҚ іске асырмақ.

Мәліметтерді өңдеу орталығы  «электрондық үкімет» және «электрондық әкімдік» құрылымдарының үздіксіз жұмыс істеуіне мүмкіндік береді.  ​Сонымен қатар оның ақпараттық қауіпсіздігіне кепіл болады. Мемлекеттік органдар үшін серверлерді жабдықтауға, модернизациялау мен жетілдіруге және кәсіби мамандарды жұмылдыруға қаржы аз жұмсалатындығымен тиімді.

Мәліметтерді өңдеу орталығы  ІТ жобаларды іске асыруға мүмкіндікті кеңейтеді.

 

Махаббат Бекбай

Суреттерді түсірген Бағдат Ахметбеков