Наурыз айшығы
Облыс орталығындағы Алдамжар Зұлқайнар атындағы Қостанай әлеуметтік-техникалық университетінде «Наурыз-достық мерекесі» атты студенттердің халықаралық фестивалі болып өтті. Фестивальға облысымыздағы оқу орындары мен көрші мемлекет Ресейдің жоғары оқу орындарының студенттері қатысты. 
Жиналған екі елдің жалынды жастары Қазақстан халқы Ассамблеясының 20 жылдығына орай «Достық шаңырағының астында» атты мерекелік концерт қойып, бірнеше спорт түрлері бойынша турнир өткізді. Фестиваль қорытындысында белсенді араласқан жастар марапаттарға ие болды.
Гүлназым САҒИТОВА
Суретті түсірген Айбек ЖҮЗБАЙ
