Өрт сөндіруші болғың келе ме?

Дүниежүзілік азаматтық қорғаныс күніне орай қаладағы М.Горький атындағы гимна- зиясында "Көкшетау техникалық институтына түсу тәртібі" тақырыбында интерактивті сабақ өтті.

Облыстық төтенше жағдайлар департаментінің азаматтық қорғаныс басқармасының бастығы Мұрат Қуанышбаев 10-сынып оқушыларына төтенше жағдайлардың қызметі мен беделі, құтқарушы мамандығы туралы айтып берді. Ал Қостанай қаласы өрт сөндіру бас-қармасының бастығы ҚР ІІМ ТЖК Көкшетау техникалық институтына түсу ережесімен таныстырып, өрт сөндірушісі болуы үшін нені істеу керектігін айтты.

Сабақ соңында еліміздегі өрт сөндірушілерді даярлайтын Көкшетау техникалық институтының тыныс-тіршілігі жайлы деректі фильм көрсетілді. Онлайн режимде өткен сабаққа облыстың 49 мектебі қатысты.

 

Шұға АҢСАҒАНҚЫЗЫ.