Қостанай емханалары үздіктер қатарында

«Денсаулық сақтауды дамыту» республикалық орталығы еліміздің үздік емханаларын анықтады..
Ересектерге медициналық қызмет көрсету бойынша еліміздің үздік деген 13 емханасы енгізілген рейтингті Қостанайдың №4 және №2 емханалары бастап тұр. 
Ал балаларға ем-дом жасаудан үздіктер жоқ. Жалпы республика бойынша бес балалар емханасының қызметі бағаланыпты. Медициналық мекемелердің жетістігі  нәтижелілік коэффиценті арқылы анықталған. Мұнда 1 жоғары баға саналады. Ресми деректерге жүгінсек, жоғары көрсеткішті  Алматы қаласының №1 емханасы иемденген.
Медициналық мекемелерді бағалау жыл сайын өткізіледі. Рейтинг түзудегі басты мақсат  медициналық қызмет көрсетудің деңгейін анықтау және сапасын арттыру екенін айта кеткен жөн. 

 

Махаббат Бекбай