Футбол тойы алыс емес

ҚР Премьер-лига сапындағы командалардың ойын кестесі шықты. Үстіміздегі жылы доп додасы 1 нау-рыз күні басталады. Сол күні  ҚР суперкубогы үшін  "Астана"-"Қайрат" командалары өзара сынға түспек. Ал ел чемпионаты 7 наурыз күні жалауын көтереді. Қостанайдың "Тобылы" өзінің алғашқы кездесуін сырт алаңда, Алматының "Қайратына" қарсы өткізеді.Сондай-ақ, алғашқы турда  "Қайсар"-"Жетісу,"Ордабасы"-"Ертіс","Тараз"-"Шахтер","Ақтөбе"-"Атырау", "Астана" – "Оқжетпес" командалары өзара күш сынасады. Тек, үшінші тур ойындарына сәйкес "Тобыл" өз алаңында Көкшетаудың "Оқжетпесін" қабылдайды.