Жұмыс іздесең, жәрмеңкеге бар
А. Байтұрсынов атындағы Қостанай мемлекеттік университетінде оқу орнының биылғы оқу бітіруші түлектері мен жұмыс берушілер арасында "Бос жұмыс орны жәрмеңкесі – 2014" атты іс-шарасы ұйымдастырылды.
Жылдағы дәстүр бойынша өтіп отырған биылғы жәрмеңкеге 78 жұмыс беруші ұйым қатысты. Сондай-ақ білім ошағының 7 факультетінде білім алатын көптеген оқу бітіруші түлектері келді.
Жәрмеңке белсенді өтті. Жолдары болып, бағы жанған студенттер өздеріне лайықты жұмыстар тауып, жұмыс берушілермен келісімге отырып, болашақтарына бағдар жасады.
