8 адам газдан уланды

Арқалық қаласының Новый  ауылында тұратын бір отбасының 8 бірдей мүшесі  иіс тиіп жазым бола жаздады. Бұл жөнінде облыстық төтенше жағдайлар жөніндегі департаменттің өкілі Уәлихан Дусанов  мәлімдеді.

Оқиға 26 қаңтарда  кешкі сағат 18.00- де болған. Жоғарыда аталған ауылдың тұрғындары өз баспаналарын жылытып отырған пештен  шыққан улы газға тұншығыпты. Алғашында қалалық ауруханаға улану  белгісімен 2 бала жеткізілсе, араға бір сағат салып барлық жанұя мүшелері дәрігерлердің көмегіне жүгінген. Осылайша дер кезінде көрсетілген медициналық көмектің арқасында бір үйлі жан ажалдан аман қалды. 

Қазіргі таңда жергілікті ауруханада 2005, 2011 жылдары туған екі бала ем алуда. Қалғандары дәрігерлердің ұйғарымымен  келесі күні үйлеріне жіберіліпті.

 

Мешіт  Ғазиз