“Мас жүргізуші – қылмыскер” акциясы
24-25 қаңтар күндері облыста "Мас жүргізуші – қылмыскер" акциясы өткізілді. Полицейлер мақсатты шара барысында жол жүрісі ережесін бұзудың 596 жағдайын анықтады. 23 жүргізуші машинаны мас күйінде жүргізіп ұсталды.
113 жүргізушіге жылдамдықты асырғаны үшін, 12 жүргізушіге жүргіншіге жол бермегені үшін айыппұл салынды. Сондай-ақ қауіпсіздік белдігін тақпаған 129 жүргізуші, ұялы телефонмен сөйлескен 70 жүргізуші және жолдан белгіленбеген жерден өтпек болған 104 жүргінші айыппұл төлейтін болды.
"Мас жүргізуші – қылмыскер" акциясы облыста төртінші рет өткізіліп отыр. Өткен жылы мұндай шара 26 рет ұйымдастырылған.
