Зейнеткердің үйін үптеп кетті

Таран ауданының Тобыл кентінде 63 жастағы зейнеткер әйел     полицияға үйіне ұры түскенін айтып, арыз берді. 

Ол қонақтан келсе үйінің есігін-дегі аспалы құлып ашық тұр екен. Белгісіз біреулер үйден бағалы заттар іздесе керек, бәрін аударып-төңкеріп тастапты. Ештеңе таппаған ұрылар төсеніш, перде, екі газ баллонын, екі аспашам, қазан, ыдыс-аяқ,  кір жуатын машинаны және ескі магнитофонды алып кетіпті. Полиция қызметкерлері көп ұзамай күдіктіні анықтады. 33 жастағы жергілікті тұрғыннан ұрланған заттың бәрі тәркіленді. Қазіргі уақытта ҚР Қылмыстық Кодексінің 188-2 "Ұрлық" бабы бойынша қылмыстық іс қозғалды.

ОІІД баспасөз қызметінің  материалдары бойынша әзірлеген

 М.Қабдрахметова.