Үйірмеден үйренерім көп

Қостанай қаласындағы М.Хәкімжанова атындағы №20 орта мектебінің 6 "А" сыныбында оқимын. Біздің сынып өте ұйымшыл. Оқушылар бір-біріне әрқашан көмек береді. Сыныптағы барлық оқушылар мектептегі және мектептен тыс өздері таңдаған үйірмелерге, әсіресе спорттың түрлі үйірмелеріне белсене қатысады. Ұстаздарымыз айтады, спорт – денсаулық кепілі, оны жақсы көріңдер, оның сенің өміріңде алатын орны ерекше, сабақ оқуыңа да жақсы көмектеседі дейді.

Мен таэквондоны өте жақсы көремін. 2013 жылдан бастап таэквандоның үйірмесіне қатысамын. сәртүрлі жастағы  оқушы балалар да келеді. Таэквондо қарусыз, күресте аяқпен және қолмен белсенді қимылдауды талап ететін спорттың бір түрі болып табылады. Бізді таэквондо спортының қара белбеуін ие-ленген, республикалық, облыстық  деңгейдегі  спорттық іс-шараларға қатысып, жүлделі орындар иеленіп жүрген спортшы ағаларымыз  Руслан  Мырзабай-ұлы мен Әлібек Жасарұлы жаттықтырады.

Былтырғы жылы Астана және Ақтөбе қалаларында "Таэквондо" бойынша ұйымдастырылған республикалық деңгейдегі іс-шараға қатысып, жүлделі орындар иелендік. Біздің қуанышымыз –  жаттықтырушымыздың  қуанышы, жеңісі. Бүгін, біздер спортпен шұғылданып басқа да республикалық және облыстық  жарыстарға қатысуға дайындалып жатырмыз. "Дені саудың – жаны сау" деп ата бабаларымыз айтқандай, спортпен барлығымыз шұғылдануымыз керек.

Жандос ҚАДЫРОВ,

М.Хәкімжанова атындағы №20 мектебінің 6 "А" сынып оқушысы.