Жаңа заңдағы баптар жайында

Сарыкөл агробизнес және құқық колледжінде аудандық прокуратураның ұйымдастыруымен 2015 жылдың 1 қаңтарынан бастап өз күшiне енген Қылмыстық кодекске енгізілген түбегейлi жаңа нормалар туралы  жиын өтті.

Бұл шарада жаңа кодекске енгізілген баптар, ұлттық келісім мен әлеуметтік тұрақтылықты қорғауға баса назар аударылғандығы және экстремизм мен терроризм әрекеттері үшін жауапкершіліктің  күшейтілгендігі, сондай-ақ, жаңа қылмыстық кодекс айыпталушымен қатар кінәлінің де құқығын қорғауға бағытталғандығы барысында аудандық прокурордың аға көмекшісі Ерлан Кунеков баяндап берді.  

Оның айтуынша, өткен жылы облыс аумағында терроризмге қатысты жалған қоңырау шалған  6 факті тіркелген. Соның 4-не қылмыстық іс қозғалған.     

Жалпы, қолданыса енгізілген жаңа жоба алдағы уақытта құқықтық іс-шаралардың кеңірек жүзеге асуына жол ашпақ. 

 

Руслан Әлкеев

Сарыкөл ауданы