Әкімдер халыққа есеп беруде
ҚР Президентінің "Әкімдердің халыққа есеп беру кездесулерін өткізу туралы" Жарлығына сәйкес Арқалық қаласы және қалаға қарасты ауылдардың әкімдері белгіленген кесте бойынша ел алдындағы есеп берулерін өткізуде.
Оған қала әкімі, қала әкімінің орынбасарлары, ауыл және ауылдық округтер әкімдері, сондай ақ, сала басшылары мен мамандары қатысуда.
Жиында Елбасының "Нұрлы жол: Болашаққа бастар жол" Жолдауы жүктеген жаңа міндеттер, өңірді дамытудағы кешенді жобалардың орындалуы мен алға қойылған мақсаттар сарапқа салынуда.
Бүгінгі таңда аталған маңызды шара "Қайыңды" ауылдық округі, "Аңғар", "Ашутасты", "Аққошқар" ауылдарында өтті. Ауылдарға сапар одан әрі жалғасады.
Ел алдындағы есеп берулер қала әкімі Ғ. Бекмұхамедовтың қала халқына есеп беруімен қорытындалады деп күтілуде.
Суреттерде: «Аңғар» ауылының әкімі Қайрат Айтбаев халық алдында есеп беруде. Жиын және ауыл көріністері.
Мұрат Жүнісұлы
Арқалық қаласы
