Қыздың көркі бұрымында!
Әр нәрсеге мән бере қараған дана халқымыз "қыздың көркі шаш, шаштың көркі шаштеңге" деп бекерге айтпаса керек-ті. Ұлт мәдениетінде әр бойжеткен шашы мен бойына қарап бағаланған. Шаш тек сұлулық пен мәдениеттіліктің белгісі ғана емес, нәзік жандылар қауымына берілген Алланың ерекше сыйы.
Міне, осы орайда қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тәрбиелеу мақсатында "Ақмаңдайлым" қыз-келіншектерге арналған бетінің бір бұрышынан "Бұрымды арулар" байқауын жариялап отырмыз. Байқауға қатысып, бақ сынаймын деген бұрымды арулар 54 28 42 нөміріне хабарласыңыздар.
Алғашқы үміткеріміз – Индира ӘБІЛОВА.
Қазтұтынушылар одағының Қарағанды экономикалық университеті Қостанай облыстық филиалының 1 курс студенті.
Мамандығы – заңгер, жасы – 23 те.
Шаштың әдемілігіне, тазалығына аса мән беретін Индира бойжеткеннің бұрымы оның сымбатын асырып, сәнін айшықтап қана қоймайды, ол қазақ қызының бойындағы ұяңдықты, әдептілікті, инабаттылықты сездіреді деп есептейді.
