Игорь Юрин «Тобылға» қайта оралды

  2015 жылғы ел чемпионатының басталуына аса көп қалған жоқ. Қазір Премьер-лига командаларының басым бөлігі Түркияда оқу-жаттығу жиындарын өткізіп жатқаны белгілі.

Қысқы маусымаралық үзілісте чемпионаттың жоғарғы эшелонында өнер көрсететін он екі команданың қай-қайсысы болсын өз құрамдарын мықты футболшылармен жасақтауға тырысады.Қостанайдың «Тобылы да» осындай аз-кем ауыс-түйістен адам емес. Осыған дейін біз Вардан Минасянның командасына литвалық А.Климявичус, армениялық К.Мкртян тәрізді ойыншылардың келгенін жазғанбыз.  Енді міне клуб тағы бір танымал есіммен толықты.

 32 жасар Алматы футболының түлегі, жартылай қорғаушы Игорь Юрин «Тобыл» клубымен келісім-шартқа қол қойды,-деп хабарлайды Sports.kz сайты.

  Бұл оның қостанайлық командаға үшінші мәрте оралуы. Осыған дейін И.Юрин 2005-2008 жылдары және 2010-2011 жылдары «Тобыл» сапында доп тепкені есте. Ол барлығы 116 матч өткізіп, 15 доп соққан. 2010 жылы  «Тобыл» құрамында Игорь Юрин ел чемпионы атанды.Үш дүркін күміс,қола жүлдені жеңіп алды және Қазақстан Кубогын еншіледі. Құйынперен жартылай қорғаушы Премьер-лигада 334 кездесуге қатысып, қарсыластар қақпасын 42 рет дәл көздеген.