Бір адам қаза тапты
Арқалық – Торғай автожолында кеше жол апаты болып, бір адам қаза тапты деп хабарлайды облыстық ішкі істер департаментінің баспасөз қызметі.
Жол апаты туралы хабар сағат 12.30-да Арқалық қалалық ішкі істер басқармасына түскен. Оқиға орнына жеткен тергеуші топ Арқалықтан шыққан МАЗ жүк көлігінің 45 жастағы жүргізушісі жолдың нашар көрінуінен, жолдың қарсы бағытына шығып кетіп "ВАЗ 2106" көлігімен соқтығысқанын анықтады. Оның рулінде Аменкелді ауданының 61 жастағы тұрғыны, ал көліктің ішінде екі жолаушы болған.
Екі көліктің түйісуінен кейін МАЗ-дың тіркемесіне үшінші көлік келіп соғылды. Жол апатының салдарынан "ВАЗ 2106" автокөлігінің жүргізушісі қаза тапты, ал сол көлікте отырған 11 жастағы жолаушының оң жамбасы сынып, ауруханаға жеткізілді, басқа адамдар зардап шеккен жоқ.
