Жәудір көздер жадыраған сәт
Өзін-өзі тану бүгінгі қоғам тәрбиесінде ерекше маңызға ие. Сол себепті балаларды оқыту бағдарламасына түбегейлі енгізіліп, тиісті ұжымдармен тәжірибе алмасу сағаттары жиі қолданыс табуда.
Таяуда сондай шаралардың бірі қаламыздағы "Дельфин" сәбилер үйінде өткізілді. Аталған ұйымда Қостанайдағы 10-шы мектептің ұстаздары шәкірттерін балалар үйінің балғындарымен жүздестірді. Сәбилер бір сәт оқушы аға-апаларының қамқорлығына бөленіп, жасаған сый-сияпаттары мен өнерлеріне тәнті болды.
– Біздің бұл шарамыздың тәрбиеленіп жатқан жас ұрпақтың үлгілі болып қалыптасуына септігі зор, – дейді білім ордасының ұстазы Наурызгүл Нұрғалиева.
Айбек
ЖҮЗБАЙ
СУРЕТТЕ: оқушылар "Дельфин" балалар үйінде.
Суретті түсірген автор.
