Ауылшаруашылық тауарын өндірушілер 107 млрд. теңгенің өнімін шығарды

Былтыр Қостанай облысының ауыл шаруашылық тауарын өндірушілер 107 млрд. теңгенің өнімін шығарды, деп хабарлады облыс әкімінің орынбасары  Базыл Жақыпов.

Оның сөзіне қарағанда, өсім 6 пайызды құрады. Бұл 11 айдың мәліметі ғана. Тағам өнімдерін шығарудағы өсім сүт өнімдерін, ет және тағамдық субөнімдер, шұжық, күнбағыс майын өндіруде байқалды, – деді Б.Жақыпов. – Сары май өндіру шамамен 3 есеге, өсімдік майының  60%, сүт – 20%,  йогурт – 30%, сыр мен ірімшіктің өндірісі 26% артты. Ет пен субөнімді шығарудағы өсім 22,1%, жарма өндіру 19,4% ұлғайды. Өткен жылы Қостанай облысының АӨК 33 жаңа инвестициялық жобаны іске қосты.

Инвестжобалар өткен жылы 40 млрд. теңгеден астам өнімін шығаруға жол ашты, – деді Б.Жақыпов. – Индустриализация картасы аясында жүзеге асқан 52 инвестициялық жобаның 33 кәсіпорны жобаның 100 пайыздық қуаттылығын игерді.