Сыра ұрлап, қолға түсті
Қостанай қаласының полицейлері жаңа Қылмыстық Кодекстің 191-1 бабы "Тонау" бойынша қылмыстық іс қозғады.
1 қаңтар күні таңертең Гоголь көшесіндегі бір дүкенге жас жігіт достарымен кіріп келіп, бір жәшік сыраны алып, қашып кетті. Сатушы жедел белгі беріп, "Жедел күзет" жеке күзет фирмасының патрулі мен жол-патруль полициясының қызметкерлері күдіктілердің ізіне түсті. Қаланың орталық бөлігінде дүкеннен ұрланған сыраны ішіп тұрған төрт жігіт ұсталды.
