Қысқы спартакиада өз мәресіне жетті
Тәуелсіздік күні қарсаңында басталған Сарыкөл мекемелері арасындағы қысқы спартакиада өз мәресіне жетті.
Бұл жарыс волейбол, футбол, үстел теннисі, шахмат, шаңғы жарыстарынан тұрды. Оған жалпы, аудан әкімдігі, АІІБ мен Урицк орта мектебі, №16 өрт сөндіру мекемесі мен Ново-Урицк орта мектебі, колледж, БЖСМ мен №1 Урицк мектебі және қазақтелеком мен Сарыкөл мектебі, яғни барлығы 6 команда қатысты.
Аталмыш ойындар барысында, жалпы командалық есепте бірінші орынды аудан әкімдігі, екінші орынды колледж, ал үшінші орынды БЖСМ мен №1 Урицк мектебінен құралған командалар өзара бөлісті.
Руслан Әлкеев
Сарыкөл ауданы
