Дін өкілдері студенттермен кездесті

Дінді халыққа дұрыс жеткізіп, жат ағымдардың алдын алу мақсатында құрылған ақпараттық-насихат тобы өңірге қарасты қала, аудан мешіттерін-де және мекемелер мен оқу орындарында кездесулер өткізіп, өзекжарды мәселелерді кеңінен қамтуда. Сондай кездесулердің бірі сәрсенбі күні А.Байтұрсынов атындағы Қостанай мемлекеттік университетінің кітапханасында өтті. Оған дінтанушы, теолог Рүстем Сыздықов, облыстық Марал ишан мешітінің наиб имамы Бақытжан Икрамұлы бастаған дін өкілдері қатысты. Топ құрамына жергілікті имамдар, ғалымдар, студенттер тартылды. Басқосуда дәстүрлі Ислам, жат ағымдар жөнінде кеңінен әңгімеленіп, студенттер сұрақтарына тұщымды жауап алды.  Жүздесу барысында дініміздің дәстүрлі құндылықтары дәріптеліп, кереғар  ағымдар таныстырылды. Сондай-ақ, студенттердің көкейінде жүрген көптеген сұрақтарға жауап берілді.

Шұға                              

      ҚОҢҚАБАЙ

Суретті түсірген Айбек ЖҮЗБАЙ.