Арқалық жастары “Алтын кітапқа” енуде

Арқалық қаласында жыл сайын әр салада белсенді жұмыс жасап жүрген жастардың есімін "Алтын кітапқа" енгізу шарасы дәстүрге енген. Игі рәсім биыл да жалғасын тапты.

 Облыстық қазақ жасөспірімдер театрында өткен салтанатты шарада қала әкімі Ғ. Бекмұхамедов, ҚР еңбек сіңірген жаттықтырушысы А. Сарыбаев, Ы. Алтынсарин атындағы Арқалық мемлекеттік педагогикалық институтының ректоры, география ғылымдарының докторы, профессор С. Қуанышбаев, Денсаулық сақтау ісінің үздігі, Арқалық аймақтық емханасы бас дәрігерінің орынбасары А. Рақымжанқызы, белгілі мүсінші, "Құрмет" орденінің иегері Ә. Ұзақұлы, белгілі кәсіпкер, «Олви» ЖШС директоры Т. Соколовалар білімді де өнерлі жастарға ізгі тілек тілеп, арнайы сертификаттар табыс етті.     

 "Алтын кітапқа" аттары еніп, түрлі номинациялар бойынша марапатталғандар: «Жастар көшбасшысы» – Д. Түгелова (АрқМПИ), «Мәдениет» – Ы. Есжанов (ТГК), «Ерлік жасағаны үшін» – Ж. Омар (АрқМПИ), «Спорт» – А. Байзақов ("Қайрат" спорт кешені), А. Цуркан (ТАТК), «Білім» – Б. Асатова (Ы. Алтынсарин атындағы гимназия), «Жас ғалым» – Г. Бақытжанова (АрқМПИ), «Денсаулық сақтау» – А. Қапарова (Арқалық аймақтық емханасы), «Өнер» – А. Есмағамбетов (Ашутасты ауылдық мәдениет үйі), «Жас кәсіпкер» – С. Әбдіқадырұлы ("Арсенал" ЖШС директоры).

 

Мұрат Жүнісұлы

Арқалық қаласы