Толағайда топ жарды

Кейінгі жылдары елімізде спортқа бетбұрыс жасалып, халық салауатты өмір салтын ұстануға ден қоюда. Бұқаралық спорттың дамуына мектептер де үлес қосуда. Игі шараның бір көрінісі ретінде қаладағы №9 мектеп ұжымы "Толағай" спорттық бағдарламасын өткізген еді. 

Спорттық сайыстың "Отбасымен біргеміз" деп аталуының өзі тегіннен тегін емес. Себебі іс-шараға балалармен бірге ата-аналар да қатысты. 1-4 сынып бойынша төрт топ өзара сынға түсті. Әр команда өздерінің атаулары және ұрандарын айтып ортаға шықты. Қатысушылар сегіз түрлі сынақтан өтті. Нәтижесінде Сұңқар тобы – бас жүлдені, Барыс тобы – бірінші орынды, Тұлпар тобы – екінші орынды, Атамекен  тобы – үшінші орынды иеленді.

– Іс-шараны ойын түрінде өткізу арқылы спортты насихаттадық. Негізгі мақсат – мектеп оқушыларын салауатты өмір салтын ұстануға шақыру. Сондай-ақ ата-аналар мен балалардың арасын жақындастыру, – деді №9 мектеп бастауыш сыныптың тәрбие жөніндегі орынбасары Шолпан Жамантаева.

Қымбат

        ДОСЖАНОВА

Суреттерде: Спорт сайысынан көріністер.

Суреттерді түсірген Айбек ЖҮЗБАЙ.