Мәслихат депутаттары 20 жылдықтарын атап өтті

Жанкелдин аудандық  әкімдігінің  кіші мәжіліс залында Қазақстан  Республикасы Мәслихаттарының құрылғанына 20 жыл толуына орай салтанатты жиын болып өтті. Онда аудандық мәслихаттың хатшысы С.Нұрғазин мәслихаттың тарихына қысқаша тоқталып, ауданымыздың игілігі үшін атқарылған істерді баяндады.

Аудан әкімі А.Кенжеғарин мәслихат депутаттарын мерейлі мерекелерімен құттықтап, елеулі еңбектеріне толағай табыс  тіледі. Ауданның әлеуметтік – экономикасына қосқан зор үлестері үшін мәслихат депутаттары Қапсәлем Рәш пен Г. Омароваға алғыс хат табыс етті.

Жангелдин аудандық мәслихатының хатшысы Серік Бағдаұлы ауылшаруашылық саласында қызмет жасап, мал шаруашылығының өркендеуіне үлес қосқан мәслихат депутаттары  Жолдыхан Нұрмұханбет, Рауыл Ахметжанов, Манат Карбозов, Талғат Мырзағалиевқа ауылшаруашылық министрінің және аудан мәдениетінің өркендеуіне сүбелі үлес қосқан Қапуза Әлібекке мәдениет минстрінің құрмет грамоталарын салтанатты түрде табыстады.

Сонымен қатар мәслихаттың 20 жылдығына байланысты аудандық мәслихат депутаттары мен зейнеткерлікке шыққан депутаттарды төс белгілермен марапаттады.

 

Байбатыр Ахметбеков

Жанкелдин ауданы