Пияз өзімізге де керек
Қостанай облысы бойынша Мемлекеттік кірістер департаменті жалпы салмағы 160 тонна пиязды өзге елге тасыған 8 әрекетке тосқауыл болды.
Қазір дүкен сөрелеріндегі пияздың бағасы күннен күнге қымбаттап жатыр. Оған басты себеп – көкөністің сыртқы елдерге тасылуы. Сондықтан өзімізге жетпей жатқан пиязды әкетуге тыйым салынған. Осыған қарамастан СЭҚ қатысушылары Ресей Федерациясына экспорттау әрекеттерін жалғастыруда. Мәселен, Қостанай облысы бойынша Мемлекеттік кірістер департаменті «Қайрақ» бекетінен жалпы салмағы 160 тонна пиязды сыртқа тасымалдап жатқан 8 әрекеттің жолын кесті.Қостанай облысы бойынша Мемлекеттік кірістер департаменті Қазақстан Республикасы Ауыл шаруашылығы министрінің 2023 жылғы 28 қаңтардағы №31799 бұйрығымен 2023 жылғы 28 қаңтардан бастап Қазақстан Республикасының аумағынан 3 ай мерзімге пиязды әкетуге тыйым салынғанын еске салады.
Айтолқын АЙҚАДАМОВА.
