Футболдан жасөспірімдер сайысы
Таяуда Қостанай облысының "Марал ишан" мешіті мен Қостанай ауданының "Маңдай батыр" мешітінің ұйымдастыруымен жас-өспірімдер арасында футболдан сайыс болып өтті. Бұл сайысқа Қостанай қалалық балалар үйі, Нұржан Наушабаев атындағы және Заречный орта мектебінен 3 команда қатысты.
Аталмыш сайыс өте қызықты өтті. Жарыс болған жерде жеңіс те болатыны белгілі. Футболдан ұйымдастырылған сайыстың қорытындысы бойынша 1-ші орынды балалар үйінің командасы, 2-ші және 3-ші орындарды Нұржан Наушабаев мектебі мен Заречный орта мектебінің командалары иеленді.
Онда 1-ші орынды иеленген командаға ҚМДБ-ның Қостанай облысындағы өкіл имамы Асылхан қажы Түсіпбек кубокты салтанатты түрде табыс етті. Сондай-ақ оларға аквариумды сыйлады.
Марапаттау рәсімінен кейін мешіт асханасында балаларға дастарқан жайылды.
