Батыр рухына бас иді
12 қарашада Соналы орта мектебінде авиация генерал-майоры, Кеңес Одағының екі мәрте Батыры, "Барыс" орденінің иегері – Талғат Бигелдиновты еске алуға арналған шара өтті.
Мектеп директорының тәрбие ісі жөніндегі орынбасары Сәулет Мырзабаев ұйымдастырған тағылымға толы шара аясында алғашқы әскери даярлық пәнінің мұғалімі Эдуард Бектенбетов пен тарих пәнінің тәлімгері Жанаргүл Бектенбетовалар баяндама жасап, ұшқыштың ұшан-теңіз өмірі, ел білетін ерен ерліктері туралы тереңі-рек айтып берді. Елін жаудан қорғаған хас батырды еске алып, бір минут үнсіздік жариялады.
Сондай-ақ, батырға арналған еске алу кешінің соңында Талғат Бигелдинов жайында тәрбиелік мәні зор фильм көрсетілді. Батырлық пен қайсарлықтың үлгісі көрініс тапқан бұл фильмнен оқушылар орасан ой түйді.
Руслан ӘЛКЕЕВ.
Сарыкөл ауданы.
