Командада – жаңа бапкер
"Тобыл" футбол командасының тізгінін сербиялық маман Милич Чурчич ұстайтын болды.
Ол бапкерлік мансабын Атырау клубында бас бапкердің көмекшісі болып бастаған. Кувейттің "Әл-Джахра", Ливия құрамасында, Сербияның "Пролетер", Иранның "Зоб Ахан" футбол клубтарында еңбек еткен. Оның жетекшілігімен Белоруссияның "Шахтер"(Солигарск) командасы үшінші рет ел чемпионы атанды.
Айта кетейік, бүгін "Тобыл" футбол клубы оқу-жаттығу жиынын бастайды. Дайындықтың тұсаукесері "Тобыл арена" кешенінде осы айдың 24-не дейін жалғасады. Бұл жолы футболшылар функционалдық дайындықтарын пысықтайды. Жаңадан келген бас бапкердің қызметіне жеміс тілейміз!
Дереккөз: fctobol
