Экобелсендіге шабуыл жасаған күдікті ұсталды
2022 жылдың 25 желтоқсанында Рудныйда белгісіз адам экобелсенді Максим Фроловқа шабуыл жасаған. Әлеуметтік желіде ер адамның бетіне газ спрейі шашылып, көліктің доңғалағы тесілгені айтылған.
Осы факті бойынша Рудный қаласының полициясы ҚР ҚК-нің 293-бабы "Бұзақылық" бойынша сотқа дейінгі тергеуді бастады. Оның шеңберінде тергеу-жедел іс-шаралар кешені жүргізілді. Нәтижесінде күдікті-Қостанай қаласының тұрғыны ұсталды. Қазіргі уақытта неліктен мұндай әрекетке барғандығы, сондай-ақ,шабуыл жәбірленушінің кәсіби қызметіне байланысты ма екендігі анықталуда.
Полиция департаменті қазіргі уақытта барлық қажетті тергеу әрекеттері жүргізіліп жатқанын, сараптамалар тағайындалғанын, сондай-ақ өзге адамдардың осы қылмысты жасауға қатысы бар-жоғы анықталып жатқанын атап өтті.
Polisia.kz
