«Мас жүргізуші – қылмыскер»
Облыста. Тобыл өңірінде бір тәулікте 3010 жол көлік ережесін бұзу фактісі тіркелді. «Мас жүргізуші – қылмыскер» шарасын қолға алған облыстық ішкі істер департаменті осындай мәлімет таратуда. Құзырлы мекеме келтірген ақпаратқа жүгінер болсақ, жазалылардың дені жылдамдық, қауіпсіздік белдігін тағынбау, телефонмен сөйлесу іспетті тәртіптерді бұзған. 26 жүргізуші ішімдіктің буымен көлік тізгіндеген.
