Аралық мәлімет: 3 млн-ға жуық адам дауыс берді

Президент сайлауының алғашқы аралық мәліметі жарияланды.
 Сағат 10:00-дегі ақпарат бойынша, сайлаушылардың 23,37%-ы бюллетен алған. Респуликалық орталық сайлау комиссиясы жалпы қорытындының қашан шығатынын да айтты. 
"Азаматтардың учаскелерге келуі туралы келесі ақпарат елорда уақыты бойынша сағат 12.05-те, 14.05-те, 16.05-те, 18.05-те және 20.05-те берілетін болады. Ал азаматтардың учаскелерге келуі туралы алдын ала жасалатын жалпы қорытынды ақпарат сағат 22.05-те жария етіледі",- деді ОСК.