Өрт: 1800 адам қауіпсіз жерге көшірілді
Қостанай облысының әкімі Архимед Мұхамбетов Аманқарағай ауылындағы алапат өрттен зардап шеккен тұрғындармен кездесті. 
Қазіргі уақытта ұзын саны 1814 адам (Озерныйдан 250, Аманқарағайдан 1000, Калининнен 228, Леснойдан 363 адам) қауіпсіз жерге көшірілген. 
Жергілікті атқарушы органдар оларды Әулиекөл орта мектебіне және мектеп-интернатына орналастырып, ас-сумен қамтамасыз етті. 
Жедел желі ашылып, ТЖД психологтарының жұмысы ұйымдастырылды. Сондай-ақ, арнайы коиссия құрылды. Барлық жапа шеккендерге қажетті көмек көрсетіледі. 
Өрт 3 мың шаршы метр аумақты шарпыған. Тілсіз жаумен күрес жалғасып жатыр.
