Рудныйда қос мереке аталып өтті (ФОТОРЕПОРТАЖ)

Рудныйлықтар қала к65 жылдығын және металлургтер мерекесін қатар тойлады.

Облыс әкімі Архимед Мұхамбетов пен "Еуразиялық Топ" ЖШС басқарма төрағасы Серік Шахажанов құттықтау сөз сөйледі. Архимед Мұхамбетов өз сөзінде, ең алдымен, Рудный қаласы тариха өз есімдерін енгізген лайықты азаматтарға бай екенін атап өтті.

– Рудный – прогрессивті қала. Мұнда индустриялық-инновациялық даму бағдарламалары табысты іске асып жатыр. Мен экономикалық және әлеуметтік салаларда қол жеткізілген табыстар – осы жерде өмір сүріп жатқан халықтың бірлігі мен келісімінің нәтижесі екеніне сенімдімін. Рудный қаласы дамып, жаңа жобалар ашылып, қаланың әрбір азаматы қуаныш пен бақытқа бөленсін!- деді облыс әкімі Архимед Мұхамбетов.

Металлургтердің кәсіби мерекесі күніне орай өңір басшысы "ССКӨБ" АҚ-ның еңбек сіңірген қызметкерлерін төсбелгілермен марапаттады.Мерекеге орай Төреғали Төреәлі, Райым, Мирас Жүгінісов секілді отандық эстрада жұлдыздары және жергілікті әртістер өнер көрсетті.

Суреттерді түсірген Бердіболат КӨРКЕМБАЕВ