1:5

Қостанайлық «Тобыл» футбол командасы UEFA Чемпиондар лигасының бірінші іріктеу сатысында сырт алаңда Венгрияның «Ференцварош» командасына 1:5 есебімен жол берді.

Қостанайда өткен алғашқы ойында екі команда 0:0 есебімен тең тарқасқан еді. Енді «Тобыл» Конференция лигасының екінші іріктеу сатысында Гибралтардың «Линкольн Ред Импс» командасымен кездеседі. Ал «Ференцварош» Чемпиондар лигасы екінші іріктеу сатысында Словакияның «Слован» клубымен шеберлік байқасады.

Сондай-ақ, Конференция лигасында екінші іріктеу сатысында еліміздің атынан елордалық «Астана», алматылық «Қайрат» және петропавлдық «Қызылжар» командалары ел намысын қорғайды. Ойындар 21 және 28 шілде күндері өткізіледі.