Хабарландыру

Облыстық «Қостанай таңы» газетінің 100 жылдық мерейтойы, басылымымыздың негізін қалаушы көрнекті қоғам қайраткері, көсемсөзші, қазақ журналистикасының атасы Мұхамеджан Сералиннің 150 жылдық мерейтойы аясында редакциямыздың қабырғасына (Әл-Фараби даңғылы, 90) Қазақстан Жазушылар одағының, Қазақстан Журналистер одағының мүшесі, Қазақстанның құрметті журналисі, Қостанай қаласының құрметті азаматы Сәлім Тоқмырзаұлы Меңдібайға ескерткіш тақта ашылады. Салтанатты шара 2022 жылғы 17 маусымда өтеді.

Бағдарлама бойынша сағат 10:00-де тақта ашылған соң велошеру басталады. Велосипедшілер жолға шыққаннан кейін алыстан-жақыннан жиналған қонақтар, қоғам қайраткерлері, зиялы қауым өкілдері, Сәлім Тоқмырзаұлының туыстары облыстық өлкетану музейі, Ы.Алтынсарин атындағы облыстық мемориалдық музейі және Л.Толстой атындағы облыстық ғылыми-әмбебап кітапхана ұйымдастырған көрмелерді тамашалайды. Соңынан теміржол вокзалы ауданындағы Бейімбет Майлин ескерткіші алдында велошерушілерді қарсы алады.

Оқырмандарымызды мерейтой қарсаңында ұйымдастырып отырған шарамызға келіп, велошеруге қатысуға шақырамыз.