Жанар-жағар майдың бір айлық қоры бар
Қостанай облысында жанар-жағар майдың бір айлық қоры бар. Бұл туралы бүгін Орталық коммуникациялар қызметіндегі брифингте өңір басшысы Нұралы Садуақасов мәлім етті.
«Бүгінде облыста бір айлық қор бар. Бұл тұрғыда ауыл шаруашылығы тауарларын өндірушілердің жағармай қорын бұған қосып отырғаным жоқ. Себебі, олар бөлек бағдарламамен қамтылып отыр», – деді облыс әкімі.
Н. Сәдуақасов жанар-жағар май бойынша бұдан бұрын орын алған қиындықтарға қарамастан, қазіргі кезде ахуал қалыпқа келгенін атап өтті.
